20.11.2024
20 noyabr 2024-cü il tarixdə Şabran rayon Heydər Əliyev Mərkəzində Yeni Azərbaycan Partiyası Şabran rayon təşkilatının və Şabran rayon Heydər Əliyev Mərkəzinin birgə təşkilatçılığı ilə Yeni Azərbaycan Partiyasının yaranmasının 32-ci ildönümünə həsr olunmuş tədbir keçirilib.
Tədbirdə Yeni Azərbaycan Partiyası Şabran rayon təşkilatının sədr, Şabran rayon İcra Hakimiyyəti başçısının birinci müavini, YAP Şabran rayon təşkilatının Ərazi Partiya Təşkilatlarının sədrləri, eləcə də, idarə, təşkilat, müəssisə rəhbərləri və əməkdaşları iştirak ediblər.
İlk öncə Şabran rayon Heydər Əliyev Mərkəzinin inzibati binasında yerləşən Ümummilli Lider Heydər Əliyevin abidəsi önünə gül dəstələri düzülərək əziz xatirəsi böyük ehtiramla yad edilib.
Daha sonra tədbir konfrans zalında davam etdirilib.
Tədbirdə Azərbaycan Respublikasının Dövlət Himni səsləndirildikdən sonra tədbir açıq elan edilib.
Çıxış edənlər bildiriblər ki, Azərbaycan xalqının taleyində müstəsna yerə malik olan Yeni Azərbaycan Partiyasının dahi şəxsiyyət Heydər Əliyevin adı ilə bağlı olmasını, bu gün Partiyanın sədri, dövlət başçısı cənab İlham Əliyevin rəhbərliyi ilə dinamik inkişaf etməsini və müstəqil Azərbaycanın həyatında önəmli yerə və rola malik olmasını bir daha tədbir iştirakçılarının diqqətinə çatdırıblar.
Tədbirin sonunda partiyaya yeni qəbul olunmuş üzvlərə vəsiqələr təqdim olunub.