10.01.2025
10.01.2025-ci il tarixində Quba-Xaçmaz Regional Mədəniyyət İdarəsinin Quba rayon Mərkəzləşdirilmiş Kitabxana Sisteminin mərkəzi kitabxanasının abonement bölməsinin fondunda Əməkdar incəsənət xadimi, kinoşünas Aydın Kazımzadənin 85 illik yubileyinə həsr olunmuş “Kino tariximizə həsr olunmuş ömür” adlı dəyirmi masa keçirilib.
Tədbirdə Mərkəzi kitabxananın və Bəşir Səfəroğlu adına rayon Mədəniyyət Mərkəzinin əməkdaşları, kitabxananın fəal oxucuları iştirak edib. Çıxış edənlər bildiriblər ki, bu il görkəmli kinoşünas, Əməkdar incəsənət xadimi, Prezident təqaüdçüsü Aydın Kazımzadənin 85 illik yubileyi ölkəmizdə təntənəli sürətdə qeyd olunacaq. Aydın Kazımzadə daim tükənməz enerji ilə çalışaraq kino salnaməmizi zənginləşdirmişdir. Azərbaycan kinosunun tədqiqində müammalı səhifələrin araşdırılmasında Aydın Kazımzadənin çox böyük rolu var. Milli kino tariximizin 1916-ildən deyil, məhz 1898-ci ildən başlanması faktının üzə çıxarılıb sübuta yetirilməsi və Ümummilli lider Heydər Əliyev tərəfindən Sərəncamla avqustun 2-ni Kino İşçiləri Günü elan etməsi Aydın Kazımzadənin adı ilə bağlıdır. Aydın Kazımzadə xalqımız və dövlətimiz üçün çox böyük işlər görmüş vətənpərvər kino fədaisidir.
Tədbirin sonunda “Aydın Kazımzadə-85” adlı kitab sərgisinə baxış keçirilib