29.11.2022-ci il tarixində  Xaçmaz Tarix-Diyarşünaslıq muzeyinin Xalça muzeyi  filialinda  Azərbaycan ictimai fikrinin inkişafında, milli mədəniyyətimizin tərəqqisində, mütərəqqi ideyaların təbliğində mühüm rol oynamış görkəmli şəxsiyyət  Ömər Faiq Nemanzadənin150 illik yubileyinə həsr olunmuş  "Xalqım uğrunda"  adlı tədbir keçirilmişdir.
Tədbiri giriş sözü ilə muzeyin direktoru Cərkəzova Pərzad açaraq qeyd etdi ki,  Ö.F.Nemanzadə dövrünün tanınmış ziyalısı idi. Onun mühüm ictimai-siyasi fəaliyyəti, iti qələmi milli şüurun formalaşmasında böyük rol oynamışdır Xalqın maariflənməsi yolunda misilsiz xidmətləri olan Ö.F.Nemanzadə təəssüf ki, repressiyanın qurbanı oldu.
Muzeyin əməkdaşı  Dilarə Rüstəmova  Ö. F. Nemanzadənin həyat və yaradıcılığı  haqqında məruzə ilə çıxış etdi.O qeyd etdi ki, Ömər Faiq "Molla Nəsrəddin"  jurnalının yaradıcısı və naşirlərindən biri olmaqla  milli publisistikamıza  əvəzsiz töhfələr vermişdir. 
Tədbirdə  Xaçmaz şəhər Mehman Babayev adına 1 nömrəli məktəbin 7a sinif şagirdləri iştirak etmişdir.