Xaçmaz Regional Mədəniyyət İdarəsi və Quba-Xaçmaz Regional Təhsil İdarəsinin birgə təşkilatçılığı ilə yazıçı, esseist, kinossenarist, tərcüməçi, Azərbaycan Yazıçılar Birliyinin üzvü, Xalq şairi Ramiz Rövşənlə görüş keçirilib.

Görüşdə texnika elmləri doktoru Rafiq Əliyev, Xalq artisti Ramiz Həsənoğlu, Quba-Xaçmaz Regional Təhsil İdarəsinin müdiri Rüfət Hacıyev, Xaçmaz Regional Mədəniyyət İdarəsinin rəisi vəzifəsini icra edən Fərid Musayev çıxış edərək Ramiz Rövşən yaradıcılığının özünəməxsus xüsusiyyətlərindən, əhəmiyyətindən danışıblar.

Ramiz Rövşənin həyat və yaradıcılığı haqqında məlumat verildikdən sonra Xalq şairi çıxış edərək, ədəbiyyat, poeziya, sənətlə bağlı qənaətlərini bölüşüb, yeni yazılan şeirlərini oxuyub, yaradıcılığı ilə bağlı çoxsaylı suallara cavab verərək, Azərbaycan və dünya poeziyası haqqında öz fikirlərini bölüşüb.

Sonra şairin poeziyasının vurğunu olan gənc və yaşlı nəslin nümayəndələri onun şeirlərini böyük həvəslə səsləndiriblər.