Tədbirdən öncə iştirakçılar Azərbaycan xalqının ümumilli lideri Heydər Əliyevin abidəsini ziyarət edib, önünə tər gül dəstələri düzüblər.

Heydər Əliyev adına Xaçmaz rayon Mədəniyyət Mərkəzində keçirilən tədbirdə əvvəlcə məktəbin şagirdlərinin rəsm əsərlərində ibarət sərgiyə baxış keçirilib.

Azərbaycan Respublikasının Dövlət Himni səsləndirilib, Ümummilli liderimiz Heydər Əliyevin və şəhidlərimizin əziz xatirəsi bir dəqiqəlik sükutla yad edilib.

Tədbirdə Xaçmaz Rayon İcra Hakimiyyəti başçısının müavini Günel Nürəddinova, Xaçmaz Regional Mədəniyyət İdarəsinin rəisi vəzifəsini icra edən Fərid Musayev, şəhid ailələri, mədəniyyət işçiləri, ictimaiyyət nümayəndələri iştirak edib.

Rəsmi hissədə çıxış edənlər məktəbin müəlllim və şagird kollektivini yubiley münasibətilə təbrik edib, onlara gələcək fəaliyyətlərində uğurlar arzulayıb. Ölkəmizdə əsası ulu öndər Heydər Əliyev tərəfindən qoyulmuş və bugün cənab Prezident İlham Əliyev tərəfindən mədəniyyət siyasətindən, mədəniyyət və incəsənətin, uşaq yaradıcılığının inkişafına göstərilən diqqət və qayğıdan danışılıb, bu illər ərzində məktəbin qazandığı uğurlardan söhbət açılıb. Bildirilib ki, məktəbin şagirdləri müxtəlif respublika müsabiqələrində bir çox naliyyətlər qazanıb.

Daha sonra Xaçmaz Uşaq İncəsənət Məktəbinin şagird və məzunları geniş konsert proqramı ilə çıxış ediblər.

Sonda Uşaq İncəsənət Məktəbinin kollektivinə Xaçmaz Rayon İcra Hakimiyyətinin və Xaçmaz Regional Mədəniyyət İdarəsinin fəxri fərman və hədiyyələri təqdim olunub.

Məktəbin 30 illik fəaliyyətinə həsr olunmuş videoçarx nümayiş etdirilib