2 iyun 2023 – cü il tarixində Şabran rayon Mərkəzi Kitabxanasında Ulu Öndər Heydər Əliyevin 100 illik yubileyi çərçivəsində “Kitab işıq dolu bir laləzardır” adlı Oxu bayramı keçirilib.

Tədbirdə YAP Şabran rayon təşkilatının, Xaçmaz Regional Mədəniyyət İdarəsinin, Şabran rayon İcra Hakimiyyətinin əməkdaşları, Şəhid ailələri və mədəniyyət işçiləri iştirak ediblər.

Dövlət himni səsləndirildikdən sonra, şəhidlərin əziz xatirəsi bir dəqiqəlik sükutla yad edilib.

Tədbirdə Ulu Öndər Heydər Əliyevə, Şuşaya, Qarabağa həsr olunmuş, məktəblilər tərəfindən hazırlanmış əl işlərindən və kitablardan ibarət sərgilər qonaqlara təqdim olunub və onlara sərgilər haqqında məlumat verilib.

Şabran rayon 2 və 4 №li orta məktəbin şagirdləri tərəfindən Ulu öndər Heydər Əliyevə həsr olunmuş şeirlər səsləndirilib. Şabran rayon Mədəniyyət Mərkəzinin özfəaliyyət kollektivi ifasında vətənpərvər mövzusunda mahnılar ifa olunub.

Sonda fəal oxuculara fəxri fərmanlar təqdim olunub.