24.05.2024 – cü il tarixində Quba-Xaçmaz Regional Mədəniyyət Idarəsinin təşkilatçılığı ilə Heydər Əliyev adına Xaçmaz rayon Mədəniyyət Mərkəzinin Qaradağ- buduq kənd Folklor evində "Narkomaniyaya yox deyək" adlı tədbir keçirilib.

Tədbirdə Qaradağ-buduq kəndi üzrə sahə müvəkkili, Heydər Əliyev adına Xaçmaz rayon Mədəniyyət Mədəniyyət Mərkəzinin direktoru, Qaradağ–buduq kənd tam orta məktəbinin direktoru ve şagird kollektivi, Hülövlü kənd Tibb məntəqəsinin həkimi və kənd sakinləri iştirak ediblər.

Çıxış edənlər bildiriblər ki, narkomaniya uzun illərdir dünyanın ən böyük problemlərindən biri kimi bəşəriyyəti düşündürür və narahat edir. Cəmiyyətin ciddi bəlasına, xalqın, millətin təhlükə mənbəyinə çevrilən narkomaniyaya meyil təəssüflər olsun ki, günü-gündən artmaqdadır. Əksərən də yeniyetmə və gənclər arasında. Çünki onlar daha çılğın və emosionaldırlar, istəklərini həyata keçirmək üçün ən gözlənilməz yollara da əl atırlar. Bu da təbii ki, onları könüllü olaraq narkotika alverçilərinin müştərisi edir. Hazırda bəşəriyyət qarşısında duran ən mühüm məsələlərdən biri narkotiklərin qanunsuz dövriyyəsi kimi təhlükəli cinayətkarlıqla qətiyyətli mübarizə aparmaqdır.