Quba-Xaçmaz Regional Mədəniyyət idarəsi Quba Tarix-Diyarşünaslıq Muzeyinin filialı Şəhidlər Muzeyinin təşkilatçılığı ilə 24.05.2024-cü il tarixində Quba Tarix-Diyarşünaslıq Muzeyində 44 günlük Vətən Müharibəsində şəhid olan Rəvan Yusif oğlu Əliyevin doğum günü ilə əlaqədar tədbir keçirilib.

Tədbirdə Quba RİH-nin müavini, YAP Quba rayon təşkilatının sədri, Quba-Xaçmaz Regional Mədəniyyət İdarəsinin Quba rayon üzrə nümayəndəsi, şəhid ailələri, Dövlət Sərhəd Xidmətinin zabitləri, Səfərbərlik və Hərbi Xidmətə çağırış üzrə Dövlət Xidmətinin Quba rayon şöbəsinin rəisi, Quba rayon Vətən Müharibəsi Veteranlar Birliyinin sədri, Yurd Gənclərin İntellektual İnkişafına Dəstək İctimai Birliyinin sədri, şəhər 1 saylı, 2 saylı, 3 saylı orta məktəblərin, Quba şəhər Mehrab Niftəliyev adına Texniki təmayüllü liseyin müəllim və şagirdləri iştirak edirdilər. Azərbaycan Dövlət Himni ilə başlanan tədbirdə torpağlarımızın azadlığı ugrunda həlak olan şəhidlərimizin ruhu bir dəqiqəlik sükutla yad edilib.

Tədbirdə çıxış edənlər şəhid Rəvan Əliyevin şücaətindən, qəhrəmanın şərəfli döyüş yolunu gənclərimizə nümunə olduğunu, 44 gün davam edən Vətən Müharibəsində bir çox şəhidlərimiz kimi onunda qanının yerdə qalmadığını vurğuladılar. Dəvət olunan məktəblilər şəhidə həsr olunmuş şeirlələ çıxış ediblər. Tədbirin sonunda şəhid Rəvan Əliyevə həsr olunmuş video-çarx nümayiş olunduqdan və şəhidin özü yazdığı şeiri, səsi ilə səsləndirdiyi video görüntü izlənildikdən sonra məktəb şagirdlərinə Quba Tarix-Diyarşünaslıq muzeyi adından Fəxri Fərmanlar təqdim olunub.

Sonda tədbir iştirakçıları muzeydə təşkil olunmuş şəhid Rəvan Əliyevin xatirəsinə həsir olunmuş sərgiyə baxış keçirilib.