25.11.2017-ci il tarixdə Bəşir Səfəroğlu adına rayon Mədəniyyət mərkəzinin akt zalında kitabxana işçilərinin noyabr ayına dair seminar -  müşavirəsi keçirildi.  Seminarı giriş sözü ilə açan rayon MKS - nin direktoru Saməddin Nəsirov kitabxanaların illik statistik hesabatlarının MKS – yə vaxtında təqdim edilməsinin vacibliyini vurğuladı. Tədbirlərin keçirilməsini, oxucuların kitabxanaya cəlb edilməsini də qeyd edərək bu istiqamətdə filiallarda əməli işlərin görülməsini tapşırdı.Tədbirdə çıxış edən MKS – nin metodika və biblioqrafiya şöbəsinin müdiri Firidun Əlimərdanov və böyük metodist Faiq Əliyev kitabxanalara göstərilmiş metodiki köməkliklərdən, filialların iş fəaliyyətindən söhbət açdılar. Sonra MKS – nin Qımıl kənd kitabxanasının filial müdiri Nuridə Əmirbəyova  məruzə ilə çıxış edərək kitabxananın fəaliyyəti barədə tədbir iştirakçılarına məlumat verdi.Seminar müşavirədə kitabxana işinə dair bir sıra mühüm məsələlər müzakirə olunmaqla yanaşı kitabxana işçilərinin sualları da cavablandırıldı. Kitabxana işçilərinə işlərinə olan məsuliyyətin daha da artırılması tapşırılaraq, onlara dövrü mətbuatın paylanılması işi həyata keçirildi.