02 avqust 2024-cü il tarixində Quba-Xaçmaz Regional Mədəniyyət İdarəsinin təşkilatçılığı ilə B.Səfəroğlu adına Quba rayon Mədəniyyət Mərkəzində 2 avqust - Azərbaycan Kinosu Gününə həsr edilən "Bizim filmlərimiz" adlı tədbir keçirilib. Mədəniyyət Mərkəzinin və Quba rayon Mərkəzləşdirilmiş Kitabxana Sisteminin birgə təşkil etdiyi tədbirin iştirakçıları əvvəlcə Azərbaycan kinosunun tarixindən, inkişafından,kino inəsənətinin əsaslarından və milli kinomuzun inkişafında müstəsna xidmətləri olan incəsənət ustalarının həyat və yaradıcılığından bəhs edən kitab və jurnallardan ibarət sərgi ilə tanış olublar.

Tədbirin rəsmi hissəsində Ümummilli lider Heydər Əliyevin 18 dekabr 2000-ci il tarixli sərəncamı ilə 2 avqustun  Azərbaycan Kinosu Günü kimi təsis olunduğu vurğulanıb. Dünya kinosundan cəmi 2  il sonra yaranan milli kinomuzun ötən 126 il ərzində keçdiyi səmərəli inkişaf yolundan söz açılıb. Ölkəmizdə kino incəsənətinə göstərilən dövlət qayğısı xüsusi qeyd olunub.

Daha sonra Mədəniyyət Mərkəzinin "Art" yaradıcılıq studiyasının Quba Könüllülər Teatrının iştirakı ilə  mütəffəkkir şair Nizami Gəncəvinin "Kərpickəsən kişinin dastanı" mənzum hekayəsi əsasında lentə aldığı eyni adlı qısametrajlı bədii film nümayiş olunub