29.09.2024-cü il tarixində Quba-Xaçmaz Regional Mədəniyyət İdarəsinin təşkilatçılığı ilə Quba rayon Mərkəzləşdirilmiş Kitabxana Sisteminin mərkəzi kitabxanasının oxu zalında “Gülüstan” elmi-ədəbi məclisinin üzvü Rəna Vəliyevanın təzəcə işıq üzü görmüş “Necə deyim ağlama” şeirlər kitabının təqdimatı keçirilib.

Tədbirdə şəhid valideynləri, Mərkəzi kitabxananın əməkdaşları,“Gülüstan” elmi-ədəbi məclisinin və Xaçmaz şəhərində fəaliyyət göstərən “İlham çeşməsi” elmi-ədəbi məclisinin üzvləri, “Carçı” jurnalının baş redaktoru, kitabxananın fəal oxucuları və başqaları iştirak edib. Əvvəlcə Azərbaycan xalqının Ümummilli lideri, Ulu öndər Heydər Əliyevin və torpaqlarımızın azadlığı, suverenliyi, müstəqilliyi uğrunda canlarından keçən qəhrəman şəhidlərimizin əziz xatirəsi bir dəqiqəlik sükutla yad olunub.

Tədbirdə çıxış edənlər Rəna Vəliyevanın yenicə işıq üzü görmüş kitabından şeirlər səsləndiriblər. Şairəyə Vətən uğrunda canlarından keçən qəhrəman şəhidlərimizə verdiyi dəyərə görə minnətdarlıqlarını bildiriblər.Tədbir çərçivəsində “Gülüstan” elmi-ədəbi məclisinin və “İlham çeşməsi” elmi-ədəbi məclisinin üzvləri yeni yazdıqları şeirlərini səsləndirdilər.

Sonda Rəna xanım şəhid analarına, Mərkəzi kitabxanaya və tədbir iştirakçılarına öz kitablarını hədiyyə edib.