19 oktyabr 2024-cü il tarixdə Quba Rayon İcra Hakimiyyətinin, Azərbaycan Yazıçılar Birliyinin və Quba-Xaçmaz Regional Mədəniyyət İdarəsinin birgə təşkilatçılığı ilə Bəşir Səfəroğlu adına Quba rayon Mədəniyyət Mərkəzində Əməkdar elm xadimi, filologiya elmləri doktoru, professor Nizaməddin Şəmsizadənin anadan olmasının 70 illiyinə həsr olunmuş “Onu sevməmək olmaz” adlı ədəbi məclis keçirilmişdir. Yubiley tədbirində Quba Rayon İcra Hakimiyyəti başçısının birinci müavini Tariyel İbrahimov, Rayon İcra Hakimiyyətinin məsul şəxsləri, Quba-Xaçmaz Regional Mədəniyyət İdarəsinin rəisi vəzifəsini icra edən Fərid Musayev, Azərbaycan Yazıçılar Birliyinin nümayənsəsi Dayandur Sevgin, Azərbaycan Atatürk Mərkəzinin direktoru, akademik Nizami Cəfərov, akademik Muxtar İmanov, professor Paşa Qəlbinur, respublikamızın görkəmli alimləri, tanınmış şair və yazıçıları, Əməkdar artist Zakir Əliyev, rayon ictimaiyyətinin nümayəndələri, təhsil və mədəniyyət işçiləri, tələbələr və gənclər iştirak etmişdir.

Tədbirdə çıxış edənlər N.Şəmsizadənin yaradıcılığına işıq salmış, onun haqqında səmimi fikirlərini səsləndirmiş və ona yeni-yeni yaradıcılıq uğurları arzulamışlar.

Tədbir ədəbi-bədii kompoziya ilə davam etmişdir.