11.12.2024-cü il tarixində Quba rayon İcra Hakimiyyəti, İnsan Hüquqları üzrə Müvəkkilin Şimal regional mərkəzi, Dini Qurumlarla İş üzrə Dövlət Komitəsinin Quba-Xaçmaz regional bölməsi və Quba rayon Mərkəzləşdirilmiş Kitabxana Sisteminin birgə təşkilatçılığı ilə Azərbaycan xalqının Ümummilli lideri Heydər Əliyevin anım günü ilə əlaqədar “Ümummilli lider Heydər Əliyev :milli - mənəvi dəyərlərimizin hamisi” adlı tədbir keçirilib. Tədbirdə Quba RİH-nin ictimai-siyasi humanitar məsələlər şöbəsinin müdir müavini, dini qurumlar üzrə işin təşkilatçısı, İnsan Hüquqları üzrə Müvəkkilin (Ombudsmanın) şimal regional mərkəzinin rəhbəri, Dini Qurumlar üzrə Dövlət Komitəsinin Quba-Xaçmaz regional bölməsinin müdir müavini, Quba rayon MKS-nin direktoru, ziyalılar, kitabxana əməkdaşları, din xadimləri və dini icma sədirləri iştirak edib. Əvvəlcə, Ümummilli lider Heydər Əliyevin və Azərbaycanın müstəqilliyi, suverenliyi , azadlığı uğrunda canlarından keçən qəhrəman şəhidlərimizin əziz xatirəsi bir dəqiqəlik sükutla yad edilib.

Çıxış edənlər bildiriblər ki, Azərbaycan xalqının ümummilli lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşmüşdür. Heydər Əliyevin həyat yolu yüksək insani-əxlaqi keyfiyyətləri özündə təcəssüm etdirən nümunəvi məktəbdir. Onun ölkəmizə rəhbərlik etdiyi illər tariximizə intibah, milli tərəqqi, milli oyanış, nəhayət, müstəqil dövlət quruculuğu dövrü kimi daxil olub. Tədbirdə ziyalıların fikirləri dinlənilib. Sonda Ümummilli lider Heydər Əliyevin həyat və fəaliyyətindən bəhs edən kitab sərgisinə baxış keçirilib, xatirə şəkli çəkdirilib.