05.04.2025-ci il tarixində Quba - Xaçmaz Regional Mədəniyyət İdarəsinin təşkilatçılığı ilə B.Səfəroğlu adına Quba Rayon Mədəniyyət Mərkəzində aprel döyüşlərinin 9-cu ildönümünə həsr olunmuş "Aprel döyüşləri - böyük zəfərin başlanğıcı" adlı tədbir keçirilib.

Tədbirdə şəhid ailələrinin üzvləri, Vətən müharibəsinin, eləcə də aprel döyüşçülərinin iştirakçıları, media nümayəndələri və mədəniyyət işçiləri iştirak edib.

Əvvəlcə müasir və müstəqil Azərbaycan dövlətinin qurucusu və memarı Heydər Əliyevin, həmçinin torpaqlarımızın toxunulmazlığı,azadlığı və ölkəmizin suverenliyi uğrunda canından keçən şəhidlərimizin əziz xatirəsi bir dəqiqəlik sükutla yad olunub.

Çıxışlarda qeyd edilib ki, 2016-cı ilin əvvəllərində Azərbaycanın ön xətt mövqeləri və yaşayış məntəqələri Ermənistan silahlı qüvvələri tərəfindən intensiv artilleriya atəşinə məruz qalanda ordumuzun bölmələri əks-həmlə ilə təxribatların qarşısını aldı. Bu qələbə aprel döyüşləri kimi tarixləşdi və böyük zəfərə aparan yolun başlanğıcı oldu. Müzəffər Ali Baş Komandan, möhtərəm Prezident cənab İlham Əliyevin və qüdrətli ordumuzun rəşadəti sayəsində Vətən Müharibəsində qazanılan tarixi Zəfərin, hazırda işğaldan azad eilmiş doğma Qarabağda həyata keçirilən möhtəşəm quruculuq və abadlıq işlərinin hər birimizdə yaratdığı qürur və fərəh hisləri çıxışlarda xüsüsi vurğulanıb. Vətən Müharibəsi iştirakçısı İsmayıl Babayevin, aprel döyüşlərinin iştirakçısı Nahid Hacıyevin, aprel döyüşlərində telerepartyor kimi iştirak edən peşəkar jurnalist Rauf Əhmədovun xatirələri maraqla dinlənilib.

Daha sonra yeni nəslin hərbi-vətənpərvərlik tərbiyəsinin möhkəmləndirilməsində səmərəli fəaliyyətinə görə bir qrup tədbir iştirakçısına Fəxri-fərmanlar təqdim olunub.

Tədbir Məfəniyyət Mərkəzində fəaliyyət göstərən incəsənət ustalarının hazırladığı konsert proqramı ilə davam edib.