4 aprel 2025-ci il tarixində Quba-Xaçmaz Regional Mədəniyyət İdarəsi Xaçmaz rayon Heydər Əliyev Mərkəzində, Quba-Xaçmaz Regional Gənclər və İdman İdarəsinin Xaçmaz rayon üzrə gənclər və idman sektoru və GİKM-ın Xaçmaz nümayəndəliyinin

birgə təşkilatçılığı ilə aprel döyüşlərinin 9-cu ildönümü ilə əlaqədar "Aprel döyüşləri tariximizin şanlı səhifəsi - Zəfərə gedən yol" adlı tədbir keçirilib

Tədbir ümumilli lider Heydər Əliyevin və Azərbaycan Respublikasının suverenliyi və ərazi bütövlüyü uğrunda canından keçmiş şəhidlərimizin əziz xatirəsini bir dəqiqəlik sükutla anılması ilə başlanıb.

Tədbirdə QXRİGİ-nin Xaçmaz rayon sektorunun müdüri Elman Məmmədov, I Qarabağ müharibəsi iştirakçısı, QMVƏ və ŞA cəmiyyətinin Xaçmaz filialının sədri, Vətən müharibəsi iştirakçıları, qazilər və "N" saylı Hərbi Hissənin zabit heyyəti, GKİM-ın Xaçmaz nümayəndəliyinin könüllüləri və təmsilçisi, Xaçmaz Peşə Lisseyinin tələbələri və Xaçmaz rayon 6 nömrəli ümumtəhsil məktəbinin şagirdləri iştirak edib.

Tədbirdə çıxış edən natiqlər aprel döyüşləri haqqında tədbir iştirakçılarına geniş və əhatəli məlumat verib. Bildirilib ki, tarixə “Dördgünlük müharibə” adı ilə düşən aprel döyüşləri gənclərin hərbi vətənpərvərlik ruhunu daha da yüksəltdi. Döyüşlərdə qazanılan qələbə xalqımızın orduya olan inamını artırdı, dövlətimizin və ordumuzun gücünü, xalqımızın birliyini, həmrəyliyini və vətənpərvərliyini bütün dünyaya nümayiş etdirdi. 30 ilə yaxın işğal altında qalan torpaqlarımız Ali Baş Komandan İlham Əliyevin rəhbərliyi ilə 44 gün ərzində rəşadətli ordumuz tərəfindən işğaldan azad edildi və "Böyük Qayıdış" prosesinə start verilib.