22 aprel 2025 -ci il tarixində Quba - Xaçmaz Regional Mədəniyyət İdarəsinin Xaçmaz rayon Heydər Əliyev Mərkəzinin Xudat şəhər Heydər Əliyev muzey filialı Xudat şəhər folklor evində görkəmli oftalmoloq alim, akademik Zərifə xanım Əliyevanın anadan olmasının 102-ci ildönümünə həsr edilmiş "Gözlərə nur bəxş edən insan" adlı dəyirmi masa keçirilib.

Tədbirdə mədəniyyət və səhiyyə işçiləri iştirak ediblər.

Azərbaycan xalqının ümummilli lideri Heydər Əliyevin, görkəmli oftalmoloq-alim Zərifə xanım Əliyevanın və torpaqlarımızın bütövlüyü, eyni zamanda ölkəmizin suverenliyi uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.

Xudat şəhər Heydər Əliyev muzeyinin əməkdaşı Zərifə Əliyevanın ömür yolu haqqında çıxış edərək onun oftalmologiya elminə verdiyi töhfələrdən söz açıb. Ötən əsrin 30-40-cı illərində Azərbaycanda tüğyan edən traxoma xəstəliyi 50-ci illərdə də geniş yayılmışdı.Xalqımızı bu müdhiş bəladan xilas etmək zərurəti Zərifə Əliyevanı rahat buraxmırdı.Və onun gərgin fəaliyyəti nəticəsində bu xəstəliyin müalicəsi tapıldığını qeyd edib.

Çıxış edənlər alimin nəcib insani keyfiyyətlərini qeyd edərək Zərifə xanımın həkim -xəstə münasibətlərində "həkim xəstənin ən doğma adamıdır" fikrini irəli sürərək tibb işçilərinin təkcə təhsilinin yox tərbiyəsinin də əhəmiyyətli olduğunu vurğulayıblar.

Tədbir iştirakçıları Zərifə xanım Əliyevaya həsr edilmiş filmə baxıb.

Sonda xatirə şəkli çəkilib.