.

21.04.2025-ci il tarixində Quba-Xaçmaz Regional Mədəniyyət İdarəsinin Qusar rayon Mərkəzi Kitabxanasının Oxu zalında 23 Aprel – Ümumdünya Kitab və Müəlliflik Hüququ Günü münasibətilə “Sözün də su kimi lətafəti var” adlı ədəbi-bədii poeziya gecəsi keçirilib.

Tədbirdə tanınmış şairlərin yaradıcılığına nəzər salınıb, poetik nümunələr səsləndirilib, saz və qarmon müşayiəti ilə musiqi nömrələri ifa olunub. Bədii söz və musiqinin vəhdəti gecəyə xüsusi rəng qatıb.

Ədəbi-bədii tədbirdə Azərbaycan Yazıçılar Birliyinin üzvü Eyvaz Güləliyev, Vaqif Müşkürov, Rimma Salbuzova, Darvin Vəlixanov, Aşıq Famil, Rasim Bakarov, Cavid Tahirov, Esmira Mahmudova və kitabxananın əməkdaşları iştirak ediblər.

Tədbirin sonunda iştirakçılar arasında yazıçı və şairlərin əsərlərindən ibarət kitablar kitabxanaya hədiyyə olunub.

Bu cür tədbirlərin keçirilməsində əsas məqsəd kitabların daha geniş oxucu kütləsinə çatdırılması, gənc nəslin maarifləndirilməsi, mütaliə vərdişlərinin formalaşdırılması və müxtəlif xalqların mədəni zənginliyini əks etdirən ümumbəşəri dəyərlərin təbliğinə xidmət göstərməkdir.