Azərbaycan xalqının Ümummilli lideri Heydər Əliyevin anadan olmasının 102-ci ildönümünə həsr olunmuş “Əbədiyaşar lider” adlı tədbir keçirilib

07.05.2025-ci il tarixində Quba-Xaçmaz Regional Mədəniyyət İdarəsinin təşkilatçılığı ilə Quba rayon Mərkəzləşdirilmiş Kitabxana Sisteminin mərkəzi kitabxanasının oxu zalında Azərbaycan xalqının Ümummilli lideri Heydər Əliyevin anadan olmasının 102-ci ildönümünə həsr olunmuş “Əbədiyaşar lider” adlı tədbir keçirilib.Tədbirdə Mərkəzi kitabxananın və Quba Heydər Əliyev Mərkəzinin əməkdaşları, tələbələr, gənclər, kitabxananın fəal oxucuları və başqaları iştirak edib.Əvvəlcə Azərbaycan Respublikasının Dövlət Himni səsləndirilib,müstəqil Azərbaycan dövlətinin qurucusu və memarı, Ulu Öndər Heydər Əliyevin eləcə də, torpaqlarımızın müstəqilliyi, suverenliyi və azadlığı uğrunda canlarından keçmiş qəhrəman şəhidlərimizin əziz xatirəsi bir dəqiqəlik sükutla yad edilib. Tədbirdə çıxış edənlər bildiriblər ki,Heydər Əliyev fenomen şəxsiyyət kimi dünyada tanınan məşhur siyasi və dövlət xadimlərindən biri olmuşdur. Ümummilli liderin adı,öz vətəni və xalqı üçün gördüyü möhtəşəm işlər,göstərdiyi əvəzsiz xidmətlər Azərbaycan tarixinə qızıl hərflərlə yazılmışdır. Xalqı və vətəni qarşısında misilsiz xidmətlərinə və müstəsna tarixi roluna görə Heydər Əliyevi dünya miqyaslı siyasi nəhənglərlə müqayisə edirlər.Çünki o, Azərbaycan xalqının həqiqi lideri və xilaskarı kimi şərəfli missiyanı böyük əzmlə yerinə yetirmişdir.Zaman keçdikcə Ümummilli liderimiz Heydər Əliyevin parlaq ideyaları,arzuları yaşayır,əziz xatirəsi qəlblərdən heç vaxt silinmir. Heydər Əliyevin müdrik siyasi kursu onun layiqli varisi möhtərəm Prezidentimiz İlham Əliyev tərəfindən uğurla davam etdirilir.Tədbir çərçivəsində Ulu öndərə həsr olunmuş şeirlər səsləndirilib.

Sonda “Ümummilli lider Heydər Əliyev” adlı kitab sərgisinə baxış keçirilib.