18 May-Beynəlxalq Muzeylər Günü ilə əlaqədar Quba Heydər Əliyev Mərkəzinin kollektivi və Gənclərin İnkişaf və Karyera Mərkəzinin Quba-Xaçmaz Regional nümayəndəliyinin əməkdaşları və könüllüləri Quba Rayon Tarix-Diyarşünaslıq Muzeyini və Qubanın Qırmızı Qəsəbəsində yerləşən Dağ Yəhudilərinin Muzeyini ziyarət etmişlər.

Ziyarət zamanı muzeylərin ekskpozisiyaları ilə tanış olan ekskursiyaçılar müxtəlif mədəniyyətlərin və ənənələrin bir arada yaşadığı Qubada mövcud tolerantlıq mühitinin bariz nümunəsini bir daha müşahidə etmişlər.Muzeylər

xalqın tarixi yaddaşının qorunub saxlandığı, mədəni irsin gələcək nəsillərə ötürüldüyü unikal məkanlardır. Bu günün qeyd olunması muzeylərin cəmiyyət həyatında oynadığı rolu bir daha vurğulayır.