15.05.2025-ci il tarixində Xaçmaz Tarix Diyarşünaslıq muzeyində 18 May Beynəlxalq Muzeylər Gününə həsr olunmuş  "Muzeylər maddi mənəvi xəzinəmizdir" adlı tədbir keçirilib.

  Dövlət himninin səslənməsi  və müstəqil Azərbaycan uğrunda canlarından keçmiş şəhidlərin xatirəsinin bir dəqiqəlik sükutla yad edilməsi ilə başlayan tədbir muzeylərin cəmiyyətin mədəni və elmi həyatındakı rolu, muzey işinin inkişaf perspektivləri barədə çıxışlarla davam edib.

  Qeyd olunub ki, Beynəlxalq Muzeylər Günü 1977-ci ildən etibarən Beynəlxalq Muzeylər Şurasının (ICOM) təşəbbüsü ilə hər il  yeni devizlə dünyanın müxtəlif ölkələrində qeyd olunur. Dünya ölkələri arasında mədəni əlaqələrin inkişafında mühüm rol oynayan bu əlamətdar gün bu il "Sürətlə dəyişən icmalarda muzeylərin gələcəyi" devizi altında keçirilir. Çıxışlarda muzeylərin yalnız eksponatların nümayiş olunduğu və qorunduğu məkan deyil, eyni zamanda təhsil, tədqiqat və maarifləndirmə funksiyalarını yerinə yetirən mühüm mədəniyyət ocaqları olduğunu vurğulanıb. Muzeylərin cəmiyyətin mədəni yaddaşının qorunması baxımından əhəmiyyəti qeyd edilib. Bildirilib ki, muzeylər keçmişlə gələcək arasında körpü yaradan, insanlara öz tarixini daha dərindən anlamağa imkan verən bir qurum olaraq cəmiyyətə, xüsusilə gənc nəsildə tarixə və milli irsə marağın formalaşmasında böyük rol oynayır.

Tədbir Xaçmaz rayonu UGİM-nin Xudat bölməsinin şagirdlərinin ifasında musiqi nömrələri ilə davam edib.