19 yanvar 2018-ci il tarixində Quba rayon Uşaq İncəsənət məktəbində "20 yanvar" faciəsinin 28-ci il dönümünə həsr olunmuş tədbir keçirilmişdir.Tədbiri məktəbin direktoru Mirkazım Cəfərov açaraq "20 yanvar" faciəsini xalqımızın taleyinə hüzn,mübarizə,şərəf və qəhrəmanlıq günü kimi yazılmasını qeyd etdi.
     "20 yanvar" şəhidlərinin əziz xatirəsi bir dəqiqəlik sükutla yad edildi.
     Tədbir müəllim və şagirdlərin hazırladıqları ədəbi-bədii kompozisiya ilə davam etdirildi.Məktəbin xoru Üzeyir Hacıbəyovun "Yaxşı yol" mahnısını ifa etdi,Şəlalə Seidzadənin və Sevil Bayramovanın ifasında Hacı Xanməmmədovun "Konserti",İmram Abdullayevin,Tural İskəndərovun ifasında "Humayin" muğamı.Şagirdlərdən Afət Rəhimova,Nərmin Qəribova,Xədicə Orucova,Günel Paşayeva,Leyla Kərimova,Nəzrin Orucovanın ifalarında "20 yanvar" şəhidlərinə həsr olunmuş şeirlər səslənildi.
      Tədbir rəssam şagirdlərin "20 yanvar" faciəsinə həsr olunmuş sərgi ilə davam etdirildi.