06.03.2018
06.03. 2018-ci il tarixdə MKS-nin mərkəzi kitabxanasının uşaq şöbəsinin işçiləri Hacıbaba Əliyev adına şəhər 1 saylı tam orta məktəbin II sinif şagirdləri ilə birlikdə Beynəlxalq Qadınlar Günü münasibətilə “Ana cənnətin çiçəyidir” başlığı altında səhərcik keçirildi. İlk öncə uşaq şöbəsinin biblioqrafı Məlahət Məmmədova çıxış edərək tədbir iştirakçılarını bayram münasibətilə təbrik etdi və bildirdi ki, qadınlar bayramı bütün xalqımızın, cəmiyyətimizin bayramıdır.Qadın ləyaqəti uca tutulmalıdır. Biz ürəkdən arzu edirik ki, yer üzünü mahnı səsi, gülüş səsi bürüsün. Analar beşik başında balalarına həzin layla çalsınlar. Sonra Hacıbaba Əliyev adına şəhər 1 saylı tam orta məktəbin ibtidai sinif müəlliməsi Təranə Əsədullayeva çıxış edərək bildirdi ki, analar o qədər ilahi, müqəddəs varlıqdır ki, Vətən də onun adı ilə “Ana Vətən” adlandırılır. Görkəmli qələm sahibləri anaları məhəbbət və ilhamla tərənnüm etmiş, onların parlaq, mərd, ismətli simasını yaratmışlar. Tədbir çərçivəsində uşaqlar rəngarəng şeir və kompozisiyalar ilə çıxış etdilər.