13.06.2018-ci il tarixdə Quba rayon  MKS-nin  mərkəzi kitabxanasının uşaq şöbəsinin işçiləri tərəfindən   fəal  oxucuların asudə vaxtlarının səmərəli və maraqlı keçməsi üçün rayon ərazisində yerləşən ailəvi parkda “Təbiətin qoynunda mütaliə” başlığı altında  mütaliə saatı təşkil edildi. Mütaliənin keçirilməsində əsas məqsəd uşaqları kitabxanaya cəlb etmək, kitaba olan maraqlarını artırmaq və onları  vətənpərvərlik ruhunda tərbiyə etməkdən ibarət idi. Tədbirdə “Ağ atlı oğlan”, Hans Kristian Andersenin “Nağıllar”, Elçin Hüseynbəylinin “Şah Abbas”, Qəşəm İsabəylinin “Elnur, Əkil və onların başına gələnlər”, Gülzar  nənənin “Min bir nağıl”  kitablarını uşaqlar  maraqla oxudular. Nağıl  kitabları uşaqların böyük marağına səbəb oldu. Tədbirin sonunda uşaq şöbəsinin əməkdaşı Rima Seyfullayeva bu kimi tədbirlərin yay fəsli ərzində hər ayın sonunda keçiriləcəyini bildirdi və uşaqları tədbirlərdə fəal iştirak etməyə dəvət etdi.