28.06.2018-ci il tarixində Qusar Dövlət Rəsm Qalereyasında Xaçmaz Regional Mədəniyyət İdarəsinin təşəbbüsü ilə yerli gənc rəssamlar Vəliyulla Zeynalov və Xəyalə Bədəlovanın rəsm əsərlərindən ibarət sərgi təşkil edildi. Sərgini giriş sözü ilə açan Xaçmaz Regional Mədəniyyət İdarəsinin Qusar rayonu üzrə nümayəndəsi David İbramxəlilov belə sərgilərin keçirilməsinin yerli rəssamların işinə böyük töhvə verəcəyini bildirdi. Xaçmaz Regional Mədəniyyət İdarəsinin rəisi Nazim Ağayev öz çıxışında belə sərgilərin əhəmiyyətindən danışaraq bildirdi ki, artıq regional idarə tərəfindən regionda yerli sənətkarların, rəssamların əl işlərinin sərgisinə start verilmiş, regiona daxil olan rayonlarda sərgilərin təşkil edilmişdir. Həmçinin İdarə rəisi belə sərgilərin təşkilinin gələcəkdə də davam etdiriləcəyini, istedadlı şəxslərin üzə çıxarılması və onların əl işlərinin sərgi-satışının təşkili nəzərdə tutulduğunu bildirdi.

      Daha sonra gənc rəssamlara Xaçmaz Regional Mədəniyyət İdarəsinin Fəxri fərman və hədiyyələri təqdim edildi, sərgiyə baxış keçirildi.