26 iyul 2018-ci il tarixində Xaçmaz Regional Mədəniyyət İdarəsinin təşkilatçılığı ilə Xaçmaz Tarix Diyarşünaslıq muzeyində Regionun Ədəbi Məclis üzvləri ilə " Qələmin gücü, sözün qüdrəti" adlı görüş keçirildi. Tədbirdə Xaçmaz Regional Mədəniyyət İdarəsinin rəisi Nazim Ağayev,Azərbaycan Respublikasının Prezident təqaüdçüsü, Azərbaycan Yazıçılar və Jurnalistlər birliyinin üzvü, yazıçı-publilist Aydın Tağıyev, regionda fəaliyyət göstərən ədəbi məclislərin üzvləri iştirak etdilər.

     Tədbiri giriş sözü ilə açan Xaçmaz Regional Mədəniyyət İdarəsinin rəisi N.Ağayev belə görüşlərin əhəmiyyətindən danışaraq bildirdi ki, şair və yazıçıların fəaliyyəti Xaçmaz Regional Mədəniyyət İdarəsinin daim diqqətində olub, onların kitab təqdimatları müətmadi olaraq keçirilir və ədəbi məclislərin fəaliyyəti üçün hər cür şərait yaradılıb. Digər çıxış edənlər belə görüşlərin regionda şair və yazıçıların fəaliyyətinə verilən yüksək qiymət kimi dəyərləndirdilər.Tədbirdə həmçinin region muğam ustalarının ifaları dinlənildi.

       Tədbirdən öncə region yazarlarının kitablarının sərgisinə baxış keçirildi.