7 sentyabr 2018-ci il tarixində Qusar Dövlət Rəsm Qalereyasında Qusarlı gənc fotoqraf Jalə Qədimova tərəfindən ilin müxtəlif fəsillərində çəkilmiş foto-şəkillərdən ibarət “Təbiətin əsrarəngiz anları” adlı foto-sərgisi keçirildi. 50-də yaxın fotonun nümayiş olunduğu sərgidə Xaçmaz Regional Mədəniyyət İdarəsinin əməkdaşları, Qusar mədəniyyət işçiləri, məktəblilər iştirak ediblər. İlk öncə fotonun tarixindən məlumat verildi. Daha sonra çıxış edənlər belə tədbirlərin əhəmiyyətindən danışaraq gənc fotoqrafın işini yüksək qiymətləndirdilər və ona gələcək fəaliyyətində uğurlar arzuladılar. J. Qədimovaya Xaçmaz Regional Mədəniyyət İdarəsinin fəxri fərmanı və hədiyyə təqdim edildi.

     Daha sonra sərgiyə baxış keçirildi.

     Sərgi sentyabr ayının sonunadək davam edəcək.