06.09.2018-ci il tarixdə Quba rayon MKS-nin mərkəzi kitbxanasının uşaq şöbəsinin əməkdaşları tərəfindən Bəşir Səfəroğlu adına rayon Mədəniyyət Mərkəzinin qarşısında “Yay zalı” təşkil olundu. Bu cür tədbirlərin keçirilməsində əsas məqsəd uşaqların  idman bacarıqlarının üzə çıxarılması və dəstəklənməsindən ibarətdir. “Yay zalı”nda uşaqların intellektual səviyyələrini yüksəltmək üçün hər bir şərait yaradılmışdır. Tədbirdə stolüstü oyunlardan olan dama, şaşki və  şahmat  oyunları oynanıldı. Məktəbli oxucular həm oyun oynadı, həm də təbiət, heyvan şəkillərindən ibarət rəngləmə kağızları ilə işlədilər. Kitabxananın əməkdaşları kitabxanaya yeni daxil olmuş kitablar  ilə onları tanış etdilər. Burada nağıl kitabları oxundu və oxunan nağıllar ətrafında sual-cavab aparıldı. Sonda uşaqlar şən mahnılar oxudular.