13 sentyabr 2018-ci il tarixində Şabran Heydər Əliyev Mərkəzində Xaçmaz Regional Mədəniyyət İdarəsinin geniş tərkibdə Şura iclası keçirilmişdir. İclasda Şura üzvləri,  regiona daxil olan rayonlarda fəaliyyət göstərən mədəniyyət müəssisələrinin direktorları iştirak etmişdir.  İclası giriş sözü ilə açan Xaçmaz Regional Mədəniyyət İdarəsinin rəisi Nazim Ağayev görülən işlərdən, əldə edilən nailiyyətlərdən, regional idarənin iştirak etdiyi respublika əhəmiyyətli tədbirlərdən danışıb.

      Daha sonra şurada gündəliyə çıxarılan məsələlər -  Mədəniyyətlərarası dialoqun inkişafı və bölgələrin mədəni irsinin təbliği istiqamətində mədəniyyət müəssisəlrinin qarşısında duran vəzifələr, mədəniyyət müəssisələrində pullu xidmətlərin yaradılması və icra vəziyyəti, regionda fəaliyyət göstərən uşaq musiqi və uşaq incəsənət məktəblərinə 2018-2019-cu tədris ili üzrə şagird qəbulu və dəsr ilinə hazırlığı və digər məsələlər müzakirə edildi, Quba Tarix-Diyarşünaslıq muzeyinin və Şabran Tarix-Diyarşünaslıq muzeyinin 2018-ci ilin 9 ayı ərzində gördüyü işlər barədə hesabatı dinlənildi.

       Sonda 30 avqust 2018-ci il tarixində Quba şəhərində keçirilən “Regionun Mətbəx Günü” festivalında fəal iştirak edən şəxslərə Xaçmaz Regional Mədəniyyət İdarəsinin Fəxri fərmanları təqdim edildi. İdarə rəisi mədəniyyət müəssisələrində əmək intizamının gücləndirilməsi, iş fəaliyyətlərinin günün tələblərinə uyğun qurulması, yeni layihələrin işlənib hazırlanması istiqamətində tapşırıq və tövsiyələrini verdi.