23.02.2017
23 fevral 2017-ci il tarixində rayon Mərkəzi kitabxanasında “25 il Xocalısız” adlı xatirə gecəsi keçirildi.Xocalı qətliamının qurbanlarının xatirəsi bir dəqiqəlik sükutla yad edildi . Aparıcı Mərkəzi kitabxananın əməkdaşı Ülviyyə Dadaşova qeyd etdi ki, Xocalı faciəsi tarixdə analoqu olmayan dəhşətli bir faciə idi. Həmin o gecədə Xocalı od tutub yanırdı. O gecə insanlıq simasını itirən, qana susamış erməni qəsbkarlarının insana və insanlığa divan tutduğu bir gecə idi. Tədbirdə rayon MKS-in direktoru Azad Əlifxanov, “Xaçmaz” qəzetinin müxbiri Ələsgər Babayev, Xaçmazlı yazıçısı Məhərəm Mustafa , 6 saylı və 3 saylı məktəbin müəllim və şagirdləri, kitabxananın fəal oxucuları, Mədəniyyət işçiləri iştirak etdilər. Kitabxananın əməkdaşı Brilyant Dadaşova çıxış edərək qeyd etdi ki, bütün bu hadisələrin gələcək nəsillərə aşılanmasında ədəbiyyatımız və tarixi kitablarımız böyük bir nümunədir. Son vaxtlar fondumuzda Milli qəhrəmanlarımız, şəhidlərimiz haqqında yazılmış şeirlər, roman və povestlər öz əksini tapmışdır. Gənclər kitabxanasının müdiri Xanım Arzumanova Azərbaycan torpaqlarının qəddar erməni düşmənləri tərəfindən işğal olunmasının tarixi kökləri haqqında məlumat verdi. Tədbirin sonunda şagirdlər Xocalıya həsr edilmiş şerlər söylədilər və həmin hadisələrlə əlaqədar sənədli film nümayiş olundu. Xatirə gecəsində oxucular kitabxanaya yeni daxil olan ədəbiyyatla, “Şəhid yurdum Xocalım”, Azərbaycanın milli qəhrəmanları” mövzularında kitab sərgiləri ilə tanış oldular. Sərgidə 152 nüsxədən çox ədəbiyyat və jurnal nümayiş olundu.