07.12.2018-ci il tarixində Qusar rayon Mərkəzi Kitabxanasının təşkilatçılığı ilə  detektiv janrda yazan sevimli və çox oxunan yazıçı Əlisəfa Azayevlə Qusarlı oxucuların görüşü keçirilmişdir.Tədbirin keçirilməsində xüsusi fəallıq göstərən MKS-nin direktor müavini Lyudmila Məmmədova oxucular adından yazıçıya gül dəstəsi bağışlamışdır.Görüşdə çox saylı oxucular,tələbələr, kitabxana işçiləri, məktəblərin  müəllim və şagirdləri iştirak etmişlər.Tədbirdə iştirak və çıxış edən MKS –nin direktoru Zahir Mustafayev, Xaçmaz RMİ-nin Qusar rayonu üzrə nümayəndəsi David İbramxəlilov, Qusar rayon təhsil şöbəsinin Metodiki Kabinetinin müdiri Qorxmaz Muradov, Qusar rayon Gigiyena və Epidemiologiya Mərkəzinin direktoru Nadirşah Şirinov, MKS-nin direktor müavini Lyudmila Məmmədova, metodika və bibliografiya şöbəsinin baş bibliografı Sürahi Məmmədrzayeva, şəhər 1 saylı məktəbin müəlliməsi Səlimə Əhmədova  öz çıxışlarında yazıçının yaradıcılığını əhatəli şəkildə müzakirə etmişlər.  MKS-nin direktoru Zahir Mustafayev  tədbir iştirakçıları  adından yazıçıya xatirə hədiyyələri təqdim etmişdir.Tədbirdə çıxış edən Əlisəfa Azayev öz həyatı və yaradıcılığı barədə geniş məlumat verimiş, oxucuların çoxsaylı suallarını cavablandırmışdır. Oxucular və tələbələr müəllifə müxtəlif əsərlərin qəhrəmanları barədə suallar vermiş və maraqlı müzakirə aparmışlar.