22 dekabr 2018-ci il tarixində Xaçmaz Tarix diyarşünaslıq muzeyində Xaçmaz Regional Mədəniyyət İdarəsinin 2018-ci ilin yekunlarına və qarşıda duran vəzifələrə həsr edilmiş geniş tərkibdə Şura iclası keçirilmişdir. İclasda Şura üzvləri,  regiona daxil olan rayonlarda fəaliyyət göstərən mədəniyyət müəssisələrinin direktorları iştirak etmişdir. İclası giriş sözü ilə açan Xaçmaz Regional Mədəniyyət İdarəsinin rəisi Nazim Ağayev il ərzində görülən işlərdən, əldə edilən nailiyyətlərdən, regional idarə tərəfindən regionda keçirilən tədbirlər barədə danışıb.

    Şura iclasında gündəliyə çıxarılan məsələlər – “Bölgələrdən-bölgələrə” yaradıclıq festivalında regional idarənin kollektivlərinin çıxışı və tədbirin əhəmiyyəti, regionda kafe-kitabxanaların və sənətkarlıq satış mərkəzlərinin yaradılması məsələləri müzakirə edilmiş, İdarənin Quba, Qusar, Şabran və Siyəzən rayonları üzrə nümayəndliklərin il ərzində görülən işlər barədə çıxışı dinlənilmişdir. Regional İdarənin məsləhətçiləri klub, kitabxana, musiqi və muzey sahələri üzrə il ərzində görülən işlər barədə məlumat vermişdir.

    Daha sonra region üzrə “İlin nümayəndəliyi”, “İlin Heydər Əliyev Mərkəzi”, “İlin tarix diyarşünaslıq muzeyi”, “İlin rəsm qalereyası”, “İlin kitabxanası”, “İlin Mədəniyyət Mərkəzi”, “İlin uşaq musiqi və incəsənət məktəbi” nominasiyıları üzrə Qusar rayon nümayəndəliyi, Quba Heydər Əliyev Mərkəzi və Xaçmaz Heydər Əliyev Mərkəzi, Xaçmaz Tarix Diyarşünaslıq muzeyi, Xaçmaz və Qusar Dövlət Rəsm Qalereyaları, Qusar rayon Mərkəzləşdirilmiş Kitabxana Sistemi, Bəşir Səfəroğlu adına Quba rayon Mədəniyyət Mərkəzi, Qusar Uşaq İncəsənət məktəbi Regional İdarənin Fəxri fərmanları ilə təltif edilmişdir. Ramiz (Qusarçaylı) Həmzəyev və Aybəniz Əliyarlı “İlin yazarı” adına laqyi görülmüşdür.

Həmçinin Quba Heydər Əıiyev Mərkəzinin direktoru rayonun ictimai-mədəni həyatında uzunmüddətli səmərəli fəaliyyətinə və Quba Heydər Əliyev Mərkəzinin işinin yüksək səviyyədə qurulmasına görə direktor Elza Orucova, Qusar Mərkəzləşdirilmiş Kitabxana Sisteminin direktoru Zahir Mustafayev 60 illik yubileyi, Siyəzən rayon Mədəniyyət Mərkəzinin direktoru Ziyadə Dadaşova 55 illik yubileyi, Siyəzən şəhər 1 saylı klubun müidir Həmzə Əhmədov 60 illik yubileyi, Siyəzn rayon nümayəndəliyinin mühasibi Sədiqə Məmmədova 60 illik yubileyi münasibətilə fəxri fərmanla təltif edildi.

       Sonda İdarə rəisi mədəniyyət müəssisələrində əmək intizamının gücləndirilməsi, iş fəaliyyətlərinin günün tələblərinə uyğun qurulması, yeni layihələrin işlənib hazırlanması, mədəniyyət müəssisələrində ödənişli xidmətlərin artırılması, dərnək və kursların yaradılması və bu sahədə olan çatışmazlıqların tez bir zamanda aradan qaldırılması  istiqamətində tapşırıq və tövsiyələrini verdi.