4 yanvar 2019-cu il tarixində Xaçmaz Tarix diyarşünaslıq muzeyində Xaçmaz Regional Mədəniyyət İdarəsinin 2019-ci ilə daha çevik,enerjili və məsuliyyətli başlamaq məqsədilə geniş tərkibdə Şura iclası keçirilmişdir. İclasda Şura üzvləri,  regiona daxil olan rayonlarda fəaliyyət göstərən mədəniyyət müəssisələrinin direktorları iştirak etmişdir. İlk öncə Xaçmaz Regional Mədəniyyət İdarəsinin rəis müavini vəzifəsinə təyin edilmiş Elxan Məhərrəmov iclas iştirakçılarına təqdim edildi. İclası giriş sözü ilə açan Xaçmaz Regional Mədəniyyət İdarəsinin rəisi Nazim Ağayev 2019-cu ilin regionun mədəni mühiti üçün önəmli bir il olacağını bildirdi.  Bildirdi ki, Azərbaycan Respublikasının Prezidenti cənab İlham Əliyevin mədəniyyət sahəsinin inkişafı ilə bağlı verdiyi Sərəncam və Fərmanlar, bu sahədə aparılan dövlət siyasəti, Mədəniyyət Nazirlyinin əmr və göstərişlərinə uyğun olaraq mədəniyyət müəssisələri öz işini daha yüksək səviyyədə, daha məsuliyyətli, ciddi əmək intizamına riayət etməklə, müasir, beynəlxalq standartlara uyğun qurmalıdır.

    İclasda Xaçmaz Regional Mədəniyyət İdarəsinin 2019-cu il üçün Şura tərkibi razılaşdırıldı. Daha sonra İdarənin Qusar rayonu üzrə nümayəndəsi D.İbramxəlilovun, Şabran rayonu üzrə nümayəndəsi Ə.Səmədovun, Siyəzən rayonu üzrə nümayəndəsi Z.Qədirlinin rayonlar üzrə keçirilməsi nəzərdə tutulan tədbirlər barədə çıxışları dinlənildi.Quba Heydər Əliyev Mərkəzinin direktoru E.Orucova, Qusar Heydər Əliyev Mərkəzinin direktoru N.Abdurrəhmanova, Xaçmaz Heydər Əliyev Mərkəzinin direktoru K.Əsgərova, Şabran Heydər Əliyev Mərkəzinin direktoru T.Əliyev, Siyəzən Heydər Əliyev Mərkəzinin direktoru R.Seyidova, Xaçmaz Tarix Diyarşünaslıq muzeyinin direktoru P.Mehdiyeva, Quba Tarix Diyarşünaslıq muzeyinin direktoru M.Hacıyeva, Heydər Əliyev adına Xaçmaz rayon Mədəniyyət Mərkəzinin direktoru A.Əlisultanov, B.Səfəroğlu adına Quba rayon Mədəniyyət Mərkəzinin direktoru R.Ramazanov 2019-cu ildə görüləcək işlər barədə məlumat verdi.