4 mart 2019-cu il tarixində Xaçmaz Tarix diyarşünaslıq muzeyində Xaçmaz Regional Mədəniyyət İdarəsinin növbəti geniş tərkibdə Şura iclası keçirilmişdir. İclasda Şura üzvləri,  regiona daxil olan rayonlarda fəaliyyət göstərən mədəniyyət müəssisələrinin direktorları iştirak etmişdir. İclası giriş sözü ilə açan Xaçmaz Regional Mədəniyyət İdarəsinin rəisi Nazim Ağayev 27  mart-24 may tarixlərində Azərbaycan Respublikası Mədəniyyət Nazirliyi tərəfindən keçiriləcək “Bölgələrdən-bölgələrə” yaradıcılıq festivalından danışdı. Daha sonra idarə rəisi Novruz bayramına hazırlıq işlərinin görülməsi, regionda Novruz şənliklərin yükəsk səviyyədə keçirilməsi məqsədilə tapşırıq və tövsiyələrini verdi.

İclasda Ulu öndər Heydər Əliyevin 96-cı ildönümü münasibətilə keçiriləcək “Oxu bayramı” bayramına hazırlıq işləri barədə idarənin məsləhətçisi Söhrab Əmrahov məlumat verdi. Muzey fondlarının zənginləşdirilməsi istiqamətində görüləcək işlər barədə idarənin məsləhətçisi Fərid Musayevin məruzəsi dinlənildi.