5 mart   2019-cu il tarixində Şabran  rayon Mədəniyyət Mərkəzinin qarşısında Mədəniyyət Mərkəzinin kollektivinin hazırladığı Novruz bayramı ilə əlaqədar “Od çərşənbəsi” qeyd olundu. Bahar təravətli gözəl bir gündə tamaşaçıları salamlayan aparıcı Q.Mövsümov qeyd etdi ki, Azərbaycan xalqının sevə-sevə gözlədiyi Novruz xalqımızın ən gözəl bayramlarından biridir. Aparıcı tamaşaçıları od çərşənbəsi münasibətilə təbrik etdi və xalqımıza xoşbəxtlik, sevinc evlərimizə ruzi bərəkət arzuladı. Rayon ictimaiyyətinin iştirak etdiyi tədbirdə od  çərşənbəsinin rəmzi olan  tonqal yandırıldı. Rayonumuzun gənc ifaçıları E.Mustafayev, T.Məcidov və  R.Şabətdinovun ifasında  baharı tərənnüm edən mahnılar səsləndi. Əməkdar artist R.Ağasızadənin və onun rəhbərlik etdiyi “Ağasızadələr” ailə ansamblının üzvlərinin maraqlı çıxışı tədbirə rəng qatdı.