Şabran Tarix Diyarşünaslıq muzeyində muzey işinin öyrənilməsi və təbliği ilə əlaqədar "Azərbaycanın muzey yaradıcıları" adlı tədbir keçirilmişdir. Tədbirdə Şabran rayon Mərkəzləşdirmiş Kitabxana Sisteminin direktor müavini Firəngiz Aslanova və əməkdaşları, Şabran rayon Mədəniyyət Mərkəzinin direktoru Şəfiqə Məmmədova, Şabran rayon Heydər Əliyev Mərkəzinin direktoru Təvəkkül Əliyev və əməkdaşı, Şabran rayon 2-5 saylı məktəblərin müəllim və şagird kollektivi, Azərərbaycan Yazıcılar Birliyinin üzvü, Qızıl qələm mükafatçısı Z.Bayramlı,Şabran rayon Sincanboyat kənd məktəbinin müəllim və şagird kollektivləri iştirak edirdi. Tədbiri muzeyin direktoru Bəsti Məmmədova açaraq qeyd etmişdir ki, muzey xalqımızın çoxəsrlik tarixini özündə əks etdirən maddi-mənəvi xəzinədir.Burada saxlanılan hər bir eksponat xalqın çoxəsrlik tarixini, qədimliyini, milliliyini əks etdirir. Tədbir "İlk muzey Yaradıcıları" adlı videoçarxın nümayişi, milli geyimlər, 60-90-ci illər gəlinliklərinin əks etdirən "Tarixmizə səyahət" adlı sərgiyə baxış ilə sona çatdı.