12 mart 2019–cu il tarixində Heydər Əliyev adına Xaçmaz rayon  Mədəniyyət Mərkəzi  Niyazabad kənd  Folklor  evində Yel çərşənbəsi ilə bağlı  “ Yel qanadlı baharım “ bayram tədbiri keçirilmişdir.Bayram tədbiri Niyazabad kənd  Folklor  evinin qarşısında təşkil olunmuşdur.Tədbiri giriş sözü ilə Xaçmaz Regional Mədəniyyət İdarəsinin məsləhətçisi Xalidə Əliyeva açaraq  Yel çərşənbəsi münasibəti ilə  tədbir iştirakçılarını salamlamış , bol ruzi – bərəkətli bayram  arzulayaraq  tədbir iştirakçılarını   təbrik etmişdir.Mədəniyyət  işçilərinin Həmkarlar İttifaqının Xaçmaz rayon komitəsinin sədri  Qərib Umudov  bayram iştirakçılarını təbrik etdi ,onlara  bayram əhval ruhiyyəli  həyat , sevinc dolu  günlər arzuladı. Heydər Əliyev adına Xaçmaz rayon Mədəniyyət  Mərkəzinin direktoru  Aqil Əlisultaqnov çıxış edərək Yel çərşənbəsi münasibəti ilə  öz təbriklərini bildirərək  xalqımıza , millətimizə bayram  əhval – ruhiyyəli günlər arzu etdi . Tonqal qalanmış, tonqalın ətrafında  milli geyimli qızlar  rəqs edərək  bayram əhval ruhiyyəli  mahnılar , bayatılar, folklor nümunələrindən  səsləndirmişdirlər.Kosa və Keçəlin  məzəli  bayram deyişməsi  , Qaravəlli tamaşaları , “ Dilavər ”  folklor qrupunun  təqdim etdiyi folklor nümunələri  bayram tədbirinə xüsusi rəng qatmışdır. Folklor evinin həyətində   xalqımızın  qədim el adətlərini əks etdirən sərgi təşkil olunmuş, sacda qutab, fəsəli, lavaş bişirilmişdir.  Bayram tədbiri  maraqlı musiqi nömrələri ilə davam etmişdir.