Martın 16-sı Quba Uşaq Musiqi Məktəbində “Xonçalı Novruz gəlir” adlı bayram şənliyi təşkil olunub. Tədbirdə müəllimlər, şagirdlər və valideynlər iştirak edib. Milli geyimdə səhnəyə çıxan aparıcılar hər kəsi salamlayıb Novruz bayramı münasibəti ilə təbrik ediblər. Şagirdlər bahara həsr olunan şerlər söyləyiblər. Ardınca səhnə ifaçılara verilib. Məktəblilər bayram əhval ruhiyyəli musiqilər və xalq mahnıları ifa ediblər. Daha sonra Novruz adət-ənənələrini əks etdirən səhnəciklər nümayiş olunub. Bahar bayramının əsas atributları olan Kosa və Keçəlin meydana təşrif buyurması şənliyə xüsusi rəng qatıb. Onlar uşaqlarla yumurta döyüşdürüb, rəqs ediblər. Bayram tədbiri şagirdlərin ifası ilə davam edib.