21 mart 2019-cu il tarixində Quba Meydanında təşkil olunan bayram şənliyi çaparların müşaiyəti ilə ,Dədə Qorğudun bahar qızının kosa və keçəlin meydana daxil olması ilə başlayıb.Bahar qızı bayram iştirakçılarını təbrik edərək hamıya bolluq-bərəkət,bol ruzi arzulayıb.Daha sonra novruz sərgilərinə baxış keçirilib.Qubada yaşayan assaylı xalqların – tatların,ləzgilərin,dağ yəhudilərinin,xınalıqlıların məişət və mədəniyyətini,mətbəxini əks etdirən güşələr xüsusi maraq doğurub.

Tədbirdə Qubanın novruz ənənələri,xalq oyunları,folklor nümunələri nümayiş olunub.Güc pəhləvanın ,kəndirbazların rəngarəng çıxışları maraqla qarşılanıb.Quba rayon İcra Hakimiyyətinin başçısı Ziyəddin Əliyev çıxış edərək rayon əhalisini bayramı olan Novruz bayramı ilə əlaqədar təbrik edib.Bildirilib ki,hər novruzu xeyirxah,nəcib əməllərlə qarşılamaq nəsillərdən nəsillərə örnək olub.Novruz milli mənəvi dəyərlərimizi,folklorumuzu özündə birləşdirməklə xalqımızın ən gözəl ən sevimli bayramıdır.Daha sonra əməkdar artist Gülüstan Əliyevanın ,tanınmış müğənnilər Məhərrəm Həsənovun,eləcə də qubalı ifaçıların ,özfəaliyyət kollektivlərinin ifasında konsert proqramı nümayiş olunub.