24 iyul 2024-cü il tarixdə Quba-Xaçmaz Regional Mədəniyyət İdarəsi Siyəzən rayon Heydər Əliyev Mərkəzində Quba-Xaçmaz Regional Gənclər və İdman İdarəsinin Siyəzən rayonu üzrə gənclər və idman sektorunun və Siyəzən rayon Heydər Əliyev Mərkəzinin birgə iştirakilə 26 İyul - Azərbaycan Respublikasının Gənclər və İdman Nazirliyinin yaranmasının 30 illik yubileyi münasibəti ilə “Prezidentin gəncləri” sənədli filmi nümayiş etdirilib. Siyəzən rayon Heydər Əliyev Mərkəzinin konfrans zalında təşkil olunan tədbir zamanı ilk öncə əlamətdar günün əhəmiyyəti barədə iştirakçılara məlumat verilib.

Çıxışlarda bildirilib ki, nazirlik Ümummilli lider Heydər Əliyevin 1994-cü il 26 iyul tarixli fərmanı ilə yaradılmışdır. Heydər Əliyev Azərbaycan gənclərinə və idmançılara həmişə böyük diqqət yetirirdi. 1994-cü ildə bu nazirliyi yaratmaqla o, ölkəmizdə həm də bədən tərbiyəsinin və idmanın inkişafında yeni strategiyanın təməlini qoymuşdur. Bu il 30 illik yubileyini qeyd edən nazirlik tərəfindən ölkəmizdə gənclər siyasəti, idmanın inkişafı sahəsində çox işlər görülüb və uğurlar qazanılıb.

Daha sonra iştirakçılar sənədli filmi izləyiblər.