20.03.2017
20 Mart 2017-ci il tarixində Xaçmaz şəhər Fəvarələr parkında Novruz bayramı ilə əlaqədar tədbir keçirildi. Ümumrayon tədbirində “Novruz Azərbaycan xalqının milli bayramıdır “ adlı geniş formatda kitab sərgisi təşkil edilmişdir.Sərgidə Novruz bayramının qədim adət və ənənələrini,milli irsimizi,muğamlarımızı əks etdirən ən yeni ədəbiyyat nümayiş olundu.“Azərbaycanı dünyaya tanıdan böyük insan”, “Günəşli Azərbaycanın gözəl guşəsi –Xaçmaz”, “Müstəqil Azərbaycanımız daim yüksəliş yollarında”, “ Tarixi yaşadan şəxsiyyət”, “ İlhamla işıqlı gələcəyə doğru”, “ Uğrunda ölən varsa vətəndir”,”Bütöv və əbədi Azərbaycan”, “ Danışan kitablar”, Azərbaycanın dahi şairi Molla Pənah Vaqifin anadan olmasının 300 illiyi , Azərbaycan Respublikasının Prezidenti İlham Əliyevin “Azərbaycan dilində latın qrafikası ilə kütləvi nəşrlərin həyata keçirilməsi haqqında” 12 yanvar 2004- cü il tarixli sərəncamı ilə nəşr olunmuş və ölkə kitabxanalarına hədiyyə olunmuş kitabların sərgisi , Milli irsimiz , elmin bir çox sahələrini əhatə edən ədəbiyyat, elektron nəşrlər və sairə mövzularda kitab sərgiləri təşkil olunmuşdu.Novruz bayramında həmçinin özfəaliyyət kollektivlərinin musiqiləri, rəqsləri, regionun milli mətbəxi, adət və ənənələri əks etdirən milli oyunlar, güc və sim pəhləvanlarının çıxışları hamının marağına səbəb oldu.Bayram mərasimində elmin bütün sahələrini əhatə edən 1712 nüsxə ədəbiyyat tədbir iştirakçılarına təqdim edildi.Tədbirdə rayon ziyalıları, icra nümayəndələri, mədəniyyət işçiləri və kitab sevən fəal oxucular iştirak etdilər.